Siyasət

Saleh Rüstəmov işgəncələrdən danışıb

24 Yanvar, 2019

1194

Bakı Ağır Cinayətlər Məhkəməsində "AXCP-nin qanunsuz maliyyələşdirilməsi haqqında" adlanan iş üzrə proses davam edir.

Məhkəmə qarşısında üç fəal- partiya Rəyasət Heyətinin üzvü Aqil Məhərrəmli, Nərimanov rayon şöbəsinin rəhbəri Babək Həsənov, Gənclər Komitəsinin fəalı Ruslan Nəsirli, həmçinin sahibkar Saleh Rüstəmov və onun qardaşı oğlu Vidadi Rüstəmli dayanıb.

2018-ci il mayın 26-da Baş Prokurorluq onların AXCP-nin "qanunsuz maliyyələşdirilməsi" ittihamı ilə həbs olunduğunu bildirib. Həbs olunanlar qanunsuz sahibkarlıq, cinayətkar yolla əldə edilmiş pulların yuyulması və s. ittiham olunublar.

AXCP qanunsuz maliyyələşmə ittihamını rədd edib. Həbs olunanlar hüquq müdafiəçiləri tərəfindən siyasi məhbuslar kimi tanınıblar.

Yanvarın 24-də Eldar İsmayılovun sədrliyilə prosesdə müttəhim Saleh Rüstəmovun ifadəsi dinlənilib.

O danışıb ki, 1992-1993-cü illərdə Gədəbəy rayonunun icra başçısı və Xalq Cəbhəsinin üzvü olub.

1998-ci ildən S.Rüstəmov Rusiyada yaşayır, RF vətəndaşlığı alıb, kiçik bizneslə məşğul olub. Azərbaycana qohumlarının yanına gəlib. Növbəti səfər zamanı saxlanılıb.

"Mayın 8-də həyat yoldaşım və qardaşım ilə avtomobildə gedirdik. Şəmkir və Gəncə arasındakı QAİ postunda bizi saxladılar. 10-15 nəfər mənə hücum edərək Şəmkir polisinə apardı. Orada guya məndə 30 qr. heroin tapılmasına dair protokolu imzalamağı təklif etdilər. Mən imtina etdikdə orada olan vəzifəli şəxslərdən biri dedi: "İndi biz bura sənin həyat yoldaşını və qardaşını da gətirəcəyik və onları da həbs edəcəyik, lazım gələrsə bütün qohumlarını həbs edərik".

Bundan sonra mən məcbur olub "narkotik maddə"ni küçədə tapdığıma dair protokolu imzalamalı oldum", - S.Rüstəmov bildirib. Həmin gün onu DİN Baş Mütəşəkkil Cinayətkarlıqla Mübarizə İdarəsinə aparıblar.

"Orada mənə dedilər ki, sabah məhkəməyə çıxacam və artıq-əskik danışmayım". "Özün ilişmisən, heç olmasa qohumlarını ilişdirmə", - müstəntiqlərdən biri dedi və bacımın fotosunu göstərdi, mənzilinin ünvanını dedi.

Ona görə də məhkəmədə mənim barəmdə həbs qətimkan tədbiri seçiləndə heç nə danışmadım. Məhkəmədən sonra mənə dedilər "indi danış, görək, partiyanı necə maliyyələşdirirdin". Mən cavab verdim ki, ancaq siyasi məhbusların - AXCP üzvlərinin ailələrinə maliyyə yardımı göstərmişəm.

Onun sözlərinə görə, Azərbaycana şəxsi vəsaitini göndərib, sonradan isə digər azərbaycanlılardan toplanmış ianəni göndərib. Ümumilikdə, S.Rüstəmov hər ay siyasi məhbusların ailələrinə 400-500 dollar göndərib. Ön böyük pul göndərişi 1200 dollar olub.

Ancaq işgəncə altında onu məcbur ediblər ki, hər ay AXCP lideri Əli Kərimliyə 25-30 min dollar göndərdiyini etiraf etsin.

"Vaxtaşırı yanıma dörd-beş nəfər gəlib döyürdü, üzümə tüpürürdü, ən pis sözlər ilə təhqir edirdi. Burada mənim qohumlarım əyləşib. Ona görə də işgəncə formaları haqda ətraflı danışmaq, onları sarsıtmaq istəmirəm. Ancaq elə ki qardaşım oğlu Vidadi Rüstəmlini gətirib ona işgəncə verməyə başladılar, özümü saxlaya bilməyib dedim ki, hər şeyə imza ataram, ancaq oğlana əziyyət verməsinlər.

Məndən tələb etdilər ki, guya Moskvada görüşdüyüm oliqarxların adlarını sadalayım. Heç zaman görmədiyim adamların adlarını çəkdilər - Abbas Abbasov (Azərbaycan hökumətinin keçmiş baş nazirinin birinci müavini), İsgəndər Xəlilov (Azərbaycanda və Rusiyada böyük biznesi var) və iki başqa adam", - S.Rüstəmov bildirib.

O qeyd edib ki, Moskvada ayaqqabı satışı ilə məşğul olub, böyük oğlunun müalicəsi üçün pul qazanıb, Azərbaycanda heç bir siyasi ambisiyası yoxdur və daimi yaşamaq üçün ölkəyə qayıtmaq istəməyib.

Bundan sonra hakim elan edib ki, növbəti iclas yanvarın 25-də olacaq.

Turan İA

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

ABŞ Dövlət Departamenti: “Zəngəzur dəhlizi” təklifi haqda məlumatımız yoxdur

Tramp ABŞ-nin NATO vasitəsilə Ukraynaya silah göndərəcəyini deyir

AP: Gürcüstan dövlət ələ keçirilməsinin qurbanıdır

Saakaşvili: Rusiya Ermənistanın əli ilə Azərbaycana hücum etməyə hazırlaşır

Azərbaycan və Rusiya: ayrılsaq da, bərabərik...

Moskva vilayətindəki Azərbaycan diasporunun rəhbəri Rusiya vətəndaşlığından çıxarılıb

Redaktorun Tövsiyələri

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

Siyasət

ABŞ Dövlət Departamenti: “Zəngəzur dəhlizi” təklifi haqda məlumatımız yoxdur

11 İyul 2025

Foto: BBC

ABŞ Dövlət Departamenti Prezident Donald Trampın administrasiyasının Azərbaycan və Ermənistana “Zəngəzur dəhlizi”ni açdırmaq istəməsi xəbərinə münasibət bildirib. Ermənistanın “Armenpress” xəbər agentliyinin yazılı sorğusuna cavab verən Dövlət Departamenti sözçüsü Temmi Brus bildirib ki, onlarda bu haqda informasiya yoxdur. “Birləşmiş Ştatlar Cənubi Qafqazda sülh və sabitliyin təşviqi səylərini dəstəkləyir”, - o əlavə edib. Brus iyulun 10-da baş tutan brifinqdə də jurnalistin sualına cavab olaraq bu fikri səsləndirib. “Biz, həmçinin, istinad edilən mətbuat xəbərlərini izləyirik və paylaşmaq üçün əlavə məlumatımız yoxdur. Ancaq bildiyiniz kimi, düşünürəm ki, Tramp administrasiyası və dövlət katibi Marko Rubionun yanaşması öz sözünü deyir və onun kabinet iclasında söylədiyi fikirlər...

Davamını oxu

Siyasət

Tramp ABŞ-nin NATO vasitəsilə Ukraynaya silah göndərəcəyini deyir

11 İyul 2025

Foto: Reuters

ABŞ Prezidenti Donald Tramp ölkəsinin Ukraynaya silah tədarük edəcəyini bildirib. Tramp iyulun 10-da “NBC” telekanalına deyib ki, silahlar NATO vasitəsilə göndəriləcək və buna görə də, NATO ABŞ-yə silahlar üçün ödəniş edəcək. O, həmçinin, gələn bazar ertəsi Rusiya ilə bağlı “böyük bir anons” verəcəyini deyib, lakin detallarını açıqlamayıb. Reallaşacağı təqdirdə, bu, Trampın yanvarda vəzifəsinə başladıqdan bəri ilk dəfə prezident səlahiyyətlərindən istifadə edərək Ukraynaya silah göndərməsi olacaq. İndiyə qədər isə, ABŞ yalnız əvvəlki prezident Co Baydenin ayırdığı silahların göndərilməsini təmin edib. Tramp administrasiyasındakı mənbələrin “NBC”-yə verdiyi məlumata görə, ABŞ Ukraynaya göndəriləcək silahları öz ehtiyatlarından təmin edəcək. Bu proses prezidentə fövqəladə vəziyyətlərdə müttəfiqlərə...

Davamını oxu