Siyasət

"Müdafiə Xətti": Azərbaycanda elə bir ay yoxdur ki, insan hüquqları pozulmasın

15 İyul, 2022

1557

Toplum TV

Sonuncu əfv sərəncamından sonra Azərbaycanda hələ də onlarla siyasi məhbus var.

Bu sözləri hüquq müdafiəçisi Rüfət Səfərov "Müdafiə Xətti" insan haqları təşkilatının keçirdiyi brifinqdə deyib.

Bu gün insan haqlarının pozulması ilə bağlı hesabatın təqdimatında ötən ay və iyulun ilk 15 günü ərzində baş verən proseslər müzakirə edilib.

"Azərbaycanda elə bir ay yoxdur ki, insan hüquqları pozulmasın", - deyə təşkilatın icraçı direktoru Rüfət Səfərov əlavə edib.

Mətbuat konfransında müharibə iştirakçılarının sosial problemləri və etiraz aksiyaları, "Tərtər işi" proseslərini işıqlandırmaqla tanınan bloqer Abid Qafarovun həbsi, jurnalist Əziz Oruclunun küçədə təhdid olunması kimi məsələlərə toxunulub.

Tədbirdə həmçinin ictimai fəal Bəxtiyar Hacıyev, "Müsavat" partiyasının üzvü Tofiq Yaqublu və jurnalist Aytən Məmmədovaya qarşı edilmiş fiziki zorakılıq hallarının araşdırılmaması tənqid olunub.

Mətbuat konfransında ictimai fəal Bəxtiyar Hacıyev də çıxış edib. Hacıyev artıq 3 aydır işinə baxılmadığını bildirib:

"Mənim 3 vəsatətimə hələ də baxılmayıb. Bakı Şəhər Baş Polis İdarəsinin rəis müavini Vüqar Ələkbərov, general Əkbər İsmayılovun dindirilməsini tələb etmişəm. Əkbər İsmayılov mənim başıma oyun açacağını deyərək təhdid edib. Vüqar Ələkbərov isə mənə deyib ki, nazir Vilayət Eyvazovu tənqid etdiyimə görə, bir neçə polis əməkdaşı mənim başıma oyun açmaları üçün ondan icazə istəyib. Adlarını çəkdiyim bu iki şəxsin dindirilməsini tələb edirəm".

B.Hacıyev deyib ki, əgər ona və digər fəallara qarşı baş verən fiziki zorakılıqlar araşdırılmırsa, bunun səbəbkarı prezident və daxili işlər naziridir:

"Ötən ay bir neçə beynəlxalq görüşdə iştirak etmişəm. Artıq həm daxili işlər naziri Vilayət Eyvazov və həm də Prezident İlham Əliyevə qarşı kampaniya başlatmağı düşünürük. Əgər baş verən bu qədər cinayətin üstü açılmırsa, bunun günahı ilk növbədə onlardadır", - deyə Hacıyev əlavə edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Tofiq Yaqublunun ölkədən çıxışına icazə verilməyib

Elçin Sadıqovun iddiası təmin edilmədi – “Vəkillik fəaliyyətimi səmərəli həyata keçirə bilmirəm”

Məhkəmə Leyla və Arif Yunusun işi üzrə icraatı dayandırdı

Narkomanların reabilitasiya mərkəzindəki dəhşətləri məhkəmədə

Şənbə gecəsi həbs - Elçin Sadıqov və Əvəz Zeynallını necə tutdular?

Uşaq qayğı mərkəzlərində işgəncələrə səbəb nədir?

Redaktorun Tövsiyələri

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

Siyasət

Milli Məclis süni adalarda kazinoya icazə verməyə hazırlaşır

18 İyun 2025

Foto: açıq mənbə

Milli Məclis Azərbaycanda kazino oyunlarının təşkili və keçirilməsinə icazə verməyə hazırlaşır. Bunu “Teleqraf” saytına açıqlamasında deputat Bəhruz Məhərrəmov deyib. O bildirib ki, Milli Məclisin Hüquq siyasəti və dövlət quruculuğu komitəsinin gündəliyinə Azərbaycan Respublikasının Mülki, Cinayət və İnzibati Xətalar Məcəllələrində və daha altı qanunvericilik aktında dəyişiklik layihəsi daxil edilib. Bu dəyişikliklərdə yalnız süni torpaq sahələrində olmaqla kazino oyunlarının təşkili və keçirilməsi nəzərdə tutulur. “Sənədə əsasən, kazino oyunlarının təşkili və keçirilməsi qaydası müvafiq icra hakimiyyəti orqanının müəyyən etdiyi qurum tərəfindən müəyyən edilir. Oyunlar yalnız nəzarət orqanının rəyi nəzərə alınmaqla lisenziya əsasında hüquqi şəxs tərəfindən təşkil edilə bilər”, - “Teleqraf” deputata istinadən yazıb. ...

Davamını oxu

Siyasət

CNN: Tramp İranı bombalamağı nəzərdən keçirir

18 İyun 2025

Foto: BBC

ABŞ Prezidenti Donald Tramp İranın nüvə obyektlərinə zərbə endirmək ideyasına isti yanaşır və İranla İsrail arasında qızışan münaqişəyə diplomatik yolla son qoymaq fikrindən uzaqlaşır. Bu barədə “CNN” telekanalı adını açıqlamadığı ABŞ rəsmilərinə istinadən xəbər yayıb. Mənbələr bildirib ki, Tramp yalnız İran “ciddi güzəştlərə” gedəcəyi halda diplomatik həll yoluna qayıdacaq. İyunun 17-də Kanadadakı “Böyük Yeddilik ölkələri”nin sammitindən yarımçıq qayıdan Tramp jurnalistlərə İranla danışıqlar aparmaq “həvəsində olmadığını” deyib. O əlavə edib ki, münaqişənin atəşkəs ilə deyil, “həqiqi sonluqla” həll olunmasını istəyir. Tramp həmin gün “Truth Social” hesabında İran Ali lideri Ayətullah Əli Xameneinin harada “gizləndiyini dəqiq bildiklərini” yazıb. “O, asan hədəfdir, lakin...

Davamını oxu