Siyasət

“Müdafiə Xətti”: Gəncədə ictimai fəallara qarşı təzyiqlər artıb

3 İyun, 2022

1753

Açıq mənbələrdən götürülüb

İyunun 3-də “Müdafiə Xətti” İnsan Haqları Təşkilatı Azərbaycanda son iki ayda insan haqlarının vəziyyəti ilə bağlı mətbuat konfransı keçirib.

Təşkilatın həmtəsisçisi Rüfət Səfərov aprel-may aylarında Azərbaycanda xeyli insan hüquq pozuntularının olduğunu bildirib:

“Jurnalist Aytən Məmmədova və fəal Bəxtiyar Hacıyevə qarşı hakimiyyətə bağlı olan kriminal qrupların cinayəti üzrə istintaq ölü vəziyyətindədir. Guya cinayətkarlar istintaq tərəfindən müəyyən edilə bilmir, onlar bunu tapmaqda acizdirlər”.

R.Səfərov həmçinin Gəncə şəhərində yaşayan fəallara son aylar təzyiqlərin olduğunu qeyd edib.

“Azərbaycan Xalq Cəbhəsinin üzvü Razi Alışov narkobaron elan olunub. Halbuki Razi bəy inanclı şəxsdir və Müsəlman Birliyi Hərəkatının üzvləri ilə dostluq münasibətləri var. Bundan əvvəl şahmat müəllimi Şahin Hacıyev eyni ittihamla 6 illiyinə həbs olunmuşdu. Bizim ümumi qənaətimiz ondan ibarətdir ki, Gəncə şəhərində yaşayan müxalif fəallara qarşı hərəkətlənmə var, çox qısa müddətdə 2 sıravi üzv narkobaron elan edilib. Görünür ki, hökumət bundan narahatçılıq duyur”.

Təşkilatın təsisçiləri “Azad söz” kanalının mühacirət həyatı yaşayan rəhbəri Tural Sadıqlının həyatı və sağlamlığına olunan təhdidlərdən narahat olduğunu bəyan edib.

“Bununla bağlı Almaniyanın Azərbaycandakı Səfirliyinin birinci katibi ilə görüşdük. Eyni zamanda səfirliyin rəsmisinə Almaniyadan son aylarda deport edilən 6 fəalın Azərbaycanda həbs edilməsi və işgəncələrə məruz qaldığını bildirdik”.

Konfransa hüquq müdafiəçisi Əlövsət Sadıqlı, siyasi məhbus həyatı yaşamış Paşa Umudov və həbsdə olan müxalif fəalların ailə üzvləri də iştirak edib.

Tədbirdə çıxış edən qonaqlar yekun olaraq hökuməti cinayətkarları tapmağa, insan hüquqlarının qorunmasına həssas yanaşmağa səsləyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ramil Babayevin son sözündən: “Parlaq gənclər həbsdə, cinayətkarlar azadlıqdadır”

Hüquq müdafiəçiləri: “Təkcə iyul ayında İranda azı 71 nəfər edam edilib”

Bəhruz Səmədov: "Məqsəd sağlamlığıma geridönməz zərər vurmaqdır"

İlkin Əmrahovun son sözündən: “Görünən odur ki, faydalı işlər görmək ökəmizdə terrorizmə bərabər tutulur”

Rüfət Səfərov məhkəmədə: "İkinci dəfədir repressiya olunuram, məndən əl çəkmirlər"

Məhkəmə həbsdə olan ictimai fəalın cəzasını ağırlaşdırıb

Redaktorun Tövsiyələri

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

Siyasət

Putin Əliyevə zəng edib

7 Sentyabr 2026

president.az

Rusiya prezidenti Vladimir Putin sentyabrın 7-də Azərbaycan prezidenti İlham Əliyevə zəng edib. Azərbaycan prezidentinin mətbuat xidmətinin məlumatına görə, tərəflər ticarət-iqtisadi və humanitar əməkdaşlıqla bağlı bir sıra aktual məsələləri müzakirə ediblər. Məlumatda bildirilir ki, dövlət başçıları müxtəlif səviyyələrdə ikitərəfli əlaqələrin fəallaşdırılması barədə razılığa gəliblər. Bu telefon danışığı Putin və Əliyevin iyulun 28-dən sonra ikinci təmasıdır. Həmin danışıqda tərəflər ikitərəfli və beynəlxalq gündəmin aktual məsələlərini müzakirə etmiş, Rusiya-Azərbaycan münasibətlərinin “konstruktiv xarakterini” vurğulamışdılar. Bundan əvvəl, sentyabrın 1-də liderlər Bişkekdə ŞƏT sammiti çərçivəsində qısa görüşmüşdülər. Bu təmaslar Moskva ilə Bakı arasında bir müddət davam edən gərginlikdən sonra münasibətlərin normallaşması fonunda baş tutur. Moskva ilə...

Davamını oxu

Siyasət

AXCP: “Hakimiyyətin məqsədi Əli Kərimlini fiziki baxımdan sıradan çıxarmaqdır”

7 Sentyabr 2026

sosial media

Azərbaycan Xalq Cəbhəsi Partiyası (AXCP) həbsdə olan sədri Əli Kərimlinin saxlanma şəraitinin onun sağlamlığı üçün ciddi risk yaratdığını bildirib. Partiyanın sentyabrın 7-də yaydığı bəyanatda qeyd olunur ki, Dövlət Təhlükəsizliyi Xidmətinin (DTX) istintaq təcridxanasında saxlanılan Ə.Kərimliyə qarşı münasibət son üç ayda “xüsusilə amansız” olub. AXCP-nin məlumatına görə, siyasətçi gecələr fasiləsiz səs-küyə məruz qalmaqla yuxudan məhrum edilir. “Onu fasiləsiz yuxudan məhrum etmək məqsədilə gecələr xüsusi siqnal səsləndirməyə və səs-küylü ‘rituallar’ icra edən psixi cəhətdən pozğun şəxslə birlikdə saxlamağa davam edirlər. AXCP bəyan edir ki, Əli Kərimlinin sağlamlığı və təhlükəsizliyi məsələsi birbaşa dövlət başçısı İlham Əliyevin məsuliyyətində olan məsələdir”, – bəyanatda deyilir. Partiya...

Davamını oxu