Dünya

Azərbaycan KTMT-yə müraciət edibmi? - Moskvadan rəsmi açıqlama

6 Avqust, 2021

4528

Sputnik

Azərbaycan müşahidəçi statusu almaq üçün Kollektiv Təhlükəsizlik Müqaviləsi Təşkilatına (KTMT) müraciət etməyib.

"RIA Novosti"-nin verdiyi xəbərə görə, bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksandr Bikantov keçirdiyi mətbuat konfransında bildirib.

“Qəbul edilmiş sənədlər KTMT-nin fəaliyyətinə maraq göstərən müxtəlif ölkələrin tərəfdaş və ya müşahidəçi qismində cəlb olunmasına imkan verir. Məlum olduğu kimi bu qərarlar ümumi razılıq əsasında qəbul olunur. Azərbaycan tərəfindən hələlik bu cür müraciət daxil olmayıb", - deyə Aleksandr Bikantov qeyd edib.

Bununla belə, Rusiya rəsmiləri bir müddət əvvəl Azərbaycanın müşahidəçi qismində KTMT-yə cəlb olunmaq istəməsi barədə məlumatlar yayırdılar.

İyulun 6-da Rusiya Dumasının Avrasiyaya inteqrasiya məsələləri üzrə komitəsinin rəhbəri Leonid Kalaşnikov Azərbaycan və Pakistanın KTMT-də müşahidəçi statusu almaq istədiyini bildirmişdi.

Azərbaycan tərəfi isə məsələyə rəsmi münasibət bildirməmişdi.

Kollektiv Təhlükəsizlik Müqaviləsi Təşkilatı 1992-ci ildə əsası qoyulmuş hökumətlərarası hərbi ittifaqdır. Rusiya, Ermənistan, Qazaxıstan, Qırğızıstan, Tacikistan və Özbəkistan Kollektiv Təhlükəsizlik Müqaviləsi imzalayıblar. Azərbaycan bu müqaviləyə 1994-cü ildə Heydər Əliyevin hakimiyyəti dönəmində imza atıb. Elə Belarus və Gürcüstan da müqaviləyə o zaman qoşulublar. Beş il sonra müqaviləni imzalamış doqquz dövlətdən altısı (Azərbaycan, Gürcüstan və Özbəkistan istisna olmaqla) onun müddətini daha beş il artırmaq barədə razılığa gəliblər. 2002-ci ildə isə həmin altı ölkənin razılığı ilə Kollektiv Təhlükəsizlik Müqaviləsi Təşkilatı adı altında hərbi ittifaq təşkil olunub. Vaxtaşırı Rusiya rəsmi dairələri Azərbaycanın KTMT-yə üzvlüyünü gündəmə gətirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Siyasi karikaturaları ilə tanınan rusiyalı rəssam Polşada öldürülüb

Putin "Rusiyanın maraqlarına zidd" hərəkətlər üçün ölkədən gedənlərin əmlakının müsadirəsinə icazə verdi

Ukraynaya qarşı müharibədə iştirak edənlərin Avropa İttifaqına girişi qadağan oluna bilər

“Bloomberg”: Rusiya may ayında neft satışlarından rekord gəlir əldə edib

Zelenski Putinə açıq məktub yazıb: “Müharibəsiz həyat daha yaxşıdır”

Finlandiya “Naftogaz”ın iddiası əsasında Rusiyanın 3,7 milyon avroluq aktivlərinə həbs qoyub

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu